XANIMLAR NIYE 9 YAWINDA HEDDI-BULUGA CATIR?

Xanımlar niyə 9 yaşında həddi-büluğa çatır?
Yayım Tarixi: 11.04.2013 11:04
Məqalə
Yazı ölçüsü: büyüt küçült
print çap variantı
haber
Niyə xanımlar 9, kişilər isə 15 yaşında həddi-büluğa çatırlar?

Bu sual hamını, əsasəndə xanımları maraqlandırır. Hətta bəzi xanımlar bunu özlərinə görə Allah tərəfindən olunan zülm kimi də dəyərləndirirlər. Halbuki məsələyə digər prizmalardan yanaşdıqda əslində bu məsələnin onlar üçün daha müsbət hal olduğunu anlamaq olar.

İslami prinsiplərə əsasən qanunlar insanların səadət və kamala çatmaları üçün zəruridir. Bu səbəbdən qanunlar tapşırıq deyil, hədəfə çatmaq üçün bir haqq kimi hesab olunur. İnsanın sağ qalması üçün yemək yeməsinin vacibliyi kimi. Yəni bu insan üçün zülm deyil sadəcə maddi kamala çatmaq üçün bir haqqdır ki, yerinə yetirilməlidir. Uşağın valideyni tərəfindən zorla yemək yeməsi ona zülm kimi dəyərləndirilmir. Çünkü valideynin bu işi uşağı kamala çatdırması üçün edir. Lakin uşaq isə bunu özünə işgəncə kimi qəbul edir, buna etiraz edir.
Bəzi insanlarda bu cür düşünürlər.
Məsələnin yalnız zor və vacibliyinə görə onlara qarşı zülm olunduğunu düşünürlər. Halbuki bu iş onların kamala çatmaları üçün zəruridir.

Digər tərəfdən 2 yaşlı uşağa hər növ yemək, 2 aylıq uşağa isə yalnız süd verildiyini müşahidə edirik. Sizcə bu uşaqların hansınasa zülm olunur? Təbiiki yox. Əksinə bu uşağın cismi inkişaf etdiyi və müəyyən həddə kamala çatdığı üçün fərqli yeməklər istifadə etməsi vacibdir.

Qadınların 9 yaşında mənəvi yeməklərdən istifadə edə bilməsi və bu qabiliyyətə malik olması onun fəzilət və kamalının göstəricisidir. Ona qarşı olunan zülmün yox. Hikmət sahibi olan Allah qadını kişidən 6 yaş tez təklif həddinə (ilahi tapşırıqların vacib olduğu zaman) çatdıraraq özüylə ünsüyyət qurmağa layiq görürsə, bu qadınlara olan ilahi bir lütfdən başqa bir şey deyil.

Bu məsələ qadının 9 yaşında ilahi fəzilət və kamalları kişidən daha yaxşı qəbul edə biləcəyinin göstəricisidir. Allah qadını bu yaşda layiqli bir insan kimi öz hüzuruna qəbul edir.

Təklif yaşı insanın “insani hüquqlar”-a yetişdiyi zamandır. Necə ki, bir yaş həddindən sonra dövlət insanı sahib olduğu hüquqlara əsasən rəsmi hesaba alır. 9 yaşına çatmış qadında islam qaydalarına əsasən bəzi hüquqlara sahib olur. Öz şəxsi mülkünə sahib olmaq, evlənmək və sairə kimi. Hədislərin çoxunda təklif yaşı insanların yaxşılıq və pisliklərinin yazılmağa başladığı gün kimi qeydə alınır. Bu da islamın bu məsələdə tapşırıqlardan çox insani hüquqlara riyat edilməsinə fikir verdiyini göstərir ki, bu işdə bəzi tapşırıqları tələb edir. Məsələn dində 9 yaşına çatmış qadının şahidlik etməsi qəbul edilir, onun arxasında qılınan namazlar düzgün sayılır, öz malından müstəqil istifadə edə bilir və sairə. Beləliklə qadınlar buna diqqət yetirməlidirlər ki, yaşda kiçik olmalarına baxmayaraq Allahın və cəmiyyətin müqabilində böyük şəxsiyyətə malikdirlər. Zülm bir yerdədir ki, tapşırıq olsun ama hüquqlar onunla münasib olmasın. Lakin gördüyünüz kimi islam verdiyi tapşırıqların müqabilində qadınların hüquqlarını da qoruyur.

Digər diqqət ediləsi məqam İlahi hökümlərin hamısının insanların güc və qabiliyyəti ilə münasib olmağıdır.

Ağıl və cism
Araşdırmalar qadınların ağıl və hətta cism cəhətdən kişilərdən daha tez inkişaf etdiyini göstərir (zəif cəhətləri olsada). Allah da bu prinsipə əsasən qadınların təklif yaşını kişilərdən daha tez qərar verib.

Yazını Hədisi Qüdsi ilə yekunlaşdırmaq istəyirəm. Mütəal Allah buyurur: “Mənim bəndəm ona tapşırdıqlarıma (Vaciblərə əməl haramları tərk etmək) əməl etməkdən daha rahat yolla mənə yaxınlaşa bilməz.”

Ey qadın! Xoş sənin halına ki, Allah səni kişidən 6 il öncə bu məqama layiq görüb. Allah eyni yaşda olduğun bir oğlanı səndən 6 il sonra özüylə rabitə qurmağa layiq görür. Allah bu qanunu qoyubsa deməli bacararsan. Odur ki, Allaha çatmaq yolunda ciddi şəkildə çalış.